2015 جىلعى 26 ناۋرىز,استانا قالاسى
اۆتوموبيل جولدارىن مەملەكەتتىك ەسەپكە الۋ قاعيدالارىن بەكiتۋ تۋرالى
«اۆتوموبيل جولدارى تۋرالى» 2001 جىلعى 17 شىلدەدەگى قازاقستان رەسپۋبليكاسى زاڭىنىڭ 3-بابى 8-تارماعىنىڭ سايكەس, بۇيىرامىن:
1. قوسا بەرىلىپ وتىرعان اۆتوموبيل جولدارىن مەملەكەتتىك ەسەپكە الۋ قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ اۆتوموبيل جولدارى كوميتەتى (م.ق. پىشەمباەۆ):
1) وسى بۇيرىقتى زاڭنامادا بەلگىلەنگەن تارتىپتە قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەلەرىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 2-تارماعىنىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن.
4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ
ءمينيسترىنىڭ مىندەتىن اتقارۋشى ج.قاسىمبەك
قازاقستان رەسپۋبليكاسى ينۆەستيتسيالار جانە دامۋ ءمينيسترى مىندەتىن اتقارۋشىنىڭ
2015 جىلعى 26 ناۋرىزداعى №316 بۇيرىعىمەن بەكىتىلگەن
اۆتوموبيل جولدارىن مەملەكەتتiك ەسەپكە الۋ قاعيدالارى
1. جالپى ەرەجەلەر
1. وسى اۆتوموبيل جولدارىن مەملەكەتتiك ەسەپكە الۋ قاعيدالارى (بۇدان ءارى - قاعيدالار) «اۆتوموبيل جولدارى تۋرالى» 2001 جىلعى 17 شىلدەدەگi قازاقستان رەسپۋبليكاسىنىڭ زاڭىنا سايكەس ازiرلەنگەن جانە جالپى پايدالانىمداعى اۆتوموبيل جولدارىن, شارۋاشىلىق اۆتوموبيل جولدارىن, ەلدi مەكەندەردىڭ كوشەلەرiن مەملەكەتتىك ەسەپكە الۋ ءتارتiبiن بەلگiلەيدi (بۇدان ءارi - اۆتوموبيل جولدارى).
2. وسى قاعيدالاردا مىناداي نەگiزگi ۇعىمدار قولدانىلادى:
1) اۆتوموبيل جولدارىن مەملەكەتتiك ەسەپكە الۋ - اۆتوموبيل جولدارى سالاسىنداعى ۋاكiلەتتi ورگاننىڭ (بۇدان ءارi - جول ورگانى) اۆتوموبيل جولدارىن پاسپورتتاۋ نەگiزiندە دەرەكتەر بانكiن قۇرۋ;
2) اۆتوموبيل جولدارىنىڭ پاسپورتى - جولداردى تەحنيكالىق ەسەپكە الۋدى جۇرگiزۋ ناتيجەسىندە الىنعان اۆتوموبيل جولدارىنىڭ تەحنيكالىق جانە پايدالانۋ سيپاتتاماسى تۋرالى دەرەكتەرiن قامتىعان تەحنيكالىق قۇجات;
3) جولداردى تەحنيكالىق ەسەپكە الۋ - اۆتوموبيل جولدارىنىڭ پاسپورتىن جاساۋ ءۇشiن اۆتوموبيل جولدارىنا تەحنيكالىق جانە پايدالانۋ سيپاتتاماسى تۋرالى دەرەكتەر جيناعى.
2. مەملەكەتتiك ەسەپكە الۋدى جۇرگiزۋ ءتارتiبi
4. اۆتوموبيل جولدارىن مەملەكەتتىك ەسەپكە الۋدى جۇرگiزۋ ماقساتىندا جول ورگانى جولداردى تەحنيكالىق ەسەپكە الۋدى جۇرگiزەدi, دەرەكتەر بانكiنiڭ قۇرىلۋى نەگiزiندە اۆتوموبيل جولدارىنىڭ پاسپورتى قالىپتاسادى.
5. جولداردى تەحنيكالىق ەسەپكە الۋ مىناداي جۇمىس كەزەڭدەرىن كوزدەيدi:
1) دايىندىق;
2) دالالىق;
3) كامەرالدىق.
5. دايىندىق جۇمىستارى كەزiندە جول ورگاندارى باعدارلاما جاسايدى, وندا جۇمىستاردىڭ كولەمi, ەڭبەك جانە كولiك شىعىندارى, جۇمىستاردىڭ ورىندالۋ مەرزiمi انىقتالادى.
6. دالا جۇمىستارى كەزiندە جولعا (وبەكتiگە) قاتىستى جولدىڭ سيپاتتاماسى جانە پارامەترi تۋرالى دەرەكتەر جيناۋ ورىندالادى.
7. كامەرالدىق جۇمىستار كەزىندە دالا جۇمىستارىن وڭدەۋ جانە تەحنيكالىق قۇجاتتارعا جول ورگانى بەلگiلەيتiن سيپاتتاماسى مەن پارامەترi تۋرالى دەرەكتەر ەنگiزۋدi جۇرگىزەدi.
8. مەملەكەتتiك ەسەپكە الۋ رەسپۋبليكالىق جانە جەرگىلىكتى بيۋدجەتتە كوزدەلگەن قاراجات شەڭبەرىندە جۇرگiزiلەدi.
9. تەحنيكالىق ەسەپكە الۋدى جانە پاسپورتتاۋدى جۇرگiزۋگە جول ورگانى جاسايتىن مەملەكەتتىك ساتىپ الۋ تۋرالى زاڭنامادا بەلگىلەنگەن شارتتار بويىنشا عىلىمي-زەرتتەۋ, جوبالاۋ-iزدەستiرۋ جانە باسقا دا مامانداندىرىلعان ۇيىمدار تارتىلادى.
10. جاڭادان سالىنعان, قايتا جاڭعىرتىلعان جانە پايدالانۋعا بەرiلگەن اۆتوموبيل جولدارىن نەمەسە ولاردىڭ ۋچاسكەلەرiن تەحنيكالىق ەسەپكە الۋ دالا جۇمىستارىن ورىنداۋسىز قولداعى جوبالىق نەمەسە ورىنداۋشىلىق قۇجاتتاما نەگىزىندە جۇرگiزۋگە جiبەرiلەدi.
11. جاڭادان سالىنعان, قايتا جاڭارتىلعان جانە پايدالانۋعا بەرiلگەن اۆتوموبيل جولدارىن تەحنيكالىق ەسەپكە الۋ مەملەكەتتىك قابىلداۋ كوميسسياسىنىڭ اكتiلەرi بەكىتiلگەننەن كەيiن التى ايدان كەشiكتiرىلمەي جۇرگiزiلەدi.
12. جولداردى تەحنيكالىق ەسەپكە الۋدى جۇرگiزۋ ناتيجەسىندە الىنعان اۆتوموبيل جولدارىنىڭ تەحنيكالىق جانە پaيدالانۋ سيپاتتاماسى تۋرالى دەرەكتەر نەگiزiندە اۆتوموبيل جولدارىنىڭ پاسپورتى قالىپتاسادى.
13. اۆتوموبيل جولدارىنىڭ پاسپورتىنا, جانە دەرەكتەر بانكiنە, جىل سايىن 1 قاڭتارداعى جاي-كۇيi بويىنشا وزگەرiستەر ەنگiزiلەدi.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 29 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10888 بولىپ ەنگىزىلدى.